Venezuela: Jose har sove i bilen i frykt for nye skjelv

Kunstnaren har tidlegare budd i Ålesund, men er no tilbake i heimlandet. Moncada fortel at han og mora var i butikken då dei jordskjelvet trefte i natt.

– Mamma sprang ut med matvarene i hendene, seier han til NRK.

–Vi skunda oss så fort vi kunne.

Det var i natt norsk tid at Venezuela blei skaka av to kraftige jordskjelv. Bygningar har rast saman og redningsmannskap har jobba gjennom natta for å hente folk ut av ruinane. Det er erklært unntakstilstand i landet.

Klare for ny evakuering

I morgontimane fortel han at dei kjenner seg relativt trygge i leilegheitsbygget der dei bur. Men at dei er klare til å evakuere på kort varsel.

– Vi har klargjort ryggsekker ved inngangsdøra vår, slik at vi kan raskt kome oss ut.

Moncada forklarar at styresmaktene har frårådd dei fleste å reise heim, men at det er lite informasjon å få.

– Vi måtte sove i bilen i natt i frykt for nye skjelv, og det er mange som er ute på gata i same situasjon som oss.

Han fortel at dei er førebudd på fleire etterskjelv i dagane som kjem.

Bekymra for andre familiar

Moncada fortel at han har fått kontakt med familie som er i området, men at han har fleire vener som han ikkje har hatt kontakt med.

– Men vi veit at det er fleire som hjelper til med å leite etter sakna menneske, seier han.

Manglar straum

Han fortel også om vanskar med å få oversikt og å få kontakt med venner og familie på grunn av mangel på straum.

– Vi er oppfordra til å halde oss oppdaterte, men det er vanskeleg når vi ikkje har straum ok kan lade telefonane våre.