Har funne nesten 30 kattar i koloni: – Veldig trist

16 hours ago 6

Etter å ha observert mange kattar i eit område i Hof i Holmestrand tok nokon kontakt med Dyrebeskyttelsen.

Utstyrt med spesielle fangstbur drog to frivillige bort for å sjekke.

Synet som møtte dei var sjokkerande.

En hvit og grå kattunge som ligger på et pledd inni et bur

– Kan knapt gå

Med lite og stort har 28 kattar blitt fanga inn.

Dei har levd eit hardt liv med maktkampar og slåsting.

Hokattar har blitt angripne av hannkattar som skal pare seg, og kattungar har blitt forvilla etter å ha vakse opp utan menneskeleg kontakt.

En hvit og grå katt med ryggen til kamera

– Det er veldig trist. Det er utruleg dårleg velferd i kattekolonien, fortel leiar Bård Kirkeeng i Dyrebeskyttelsen Noreg Vestfold.

Mange av kattane har utvikla sjukdommar og fått store flokar i pelsen.

– Nokon har så mykje fælt i pelsen at dei knapt klarer å gå.

Treng omfattande hjelp

Kvart år blir Dyrebeskyttelsen kontakta om kattekoloniar, men dette er ein av dei største Kirkeeng har vore borti.

Veterinærbehandlinga vil koste frå 6000 opp mot 10.000 per katt.

Derfor er det oppretta ein Spleis.

– Vi hadde estimert minst 200.000, men det var før vi visste det var 28 kattar, seier Kirkeeng.

– Ressurskrevjande

NRK har stilt fleire spørsmål til Mattilsynet om saka i Hof.

Dei viser til at dei har teieplikt, men svarer at dei jamleg får meldingar om kattekoloniar.

En kvinne med mørkt, halvlangt krøllete hår og grønn genser kikker inn i kamera. I bakgrunnen ser man grønne vekster.

– I enkelte område utgjer desse koloniane eit problem både for kattane sjølv, folk og andre dyr, som for eksempel småfuglar og smittepress til andre kattar, i området. Sjukdom er ofte eit stort problem i kattekoloniane, seier seksjonssjef Kjerstin Helene Kolvik Iversen for selskapsdyr og sportsdyr.

– Kva skal folk gjere dersom dei oppdagar ein kattekoloni?

– Saker med kattekoloniar er ressurskrevjande og ofte komplekse. Det er også fleire offentlege etatar som har ei rolle i handteringa, forklarer ho.

Du kan bli ansvarleg

Ved dyrevelferdsmessige problem skal Mattilsynet varslast.

Dersom kattane utgjer eit ordensproblem er det politiet, og ved helse- og miljøproblem er det kommunehelsetenesta som skal kontaktast.

– I tillegg gjer dyrevernorganisasjonane eit stort og viktig arbeid på området.

Matar du ein villkatt og skaper eit avhengnadsforhold til den, blir du også ansvarleg for at han får hjelpa ho treng. Det står i dyrevelferdslova.

Dersom villkatten får kattungar får du også ansvaret for dei.

Ukjent eigar

Truleg har kattekolonien i Hof vakse over fleire år.

For å unngå at noko slikt skal skje igjen ber Kirkeeng alle gards- og katteeigarar om å passe på.

– Heimlause kattar og kattar utan eigar etablerer seg særleg på gardar. Da er det viktig at gardeigarar gir tidleg beskjed, sånn at dette ikkje kan utvikle seg til eit så stort problem.

I tillegg må alle chippe kattane, legg Kirkeeng til.