Minst fire drepne etter skyting i barnebursdag

Fire personar døydde som følge av skadane. Ti personar er skadde.

Skytinga skjedde i ein barnebursdag i Stockton nord i California i USA.

Politiet er på staden og etterforskar saka. Det er ikkje meldt om nokon pågripne i saka.

– Dette er ei pågåande etterforsking. Informasjonen er framleis avgrensa. Tidlege indikasjonar tyder på at dette kan vere ei målretta hending, opplyser sheriffkontoret på X.

– Eg er knust

Både barn og vaksne er råka av hendinga.

– Eg er knust og sint over å høyre om masseskytinga på eit barn sin bursdagsfest. Ein bursdagsfest skal aldri vere ein stad der familiar fryktar for livet sitt.

Det skriv viseordførar Jason Lee på Facebook.

– Eg sender mine tankar, bønner og kjærleik til familiane som lir, til barna som var vitne til dette traumet og til alle i byen vår som kjenner på denne smerta, legg han til.

Lee og sheriffkontoret oppfordrar publikum til å varsle dersom nokon har informasjon som kan hjelpe etterforskinga.

Interessert i meir utanriksstoff? Høyr Urix sin podkast: