I første kvartal 2024 har 20 personar mista livet i drukningsulykker i Noreg. Det er fem fleire enn på same tid i fjor, viser redningsselskapets drukningsstatistikk.
Blant dei 20 som drukna var det 17 menn.
Fem av personane drukna i Nordland.
Både drukningsulykker i mars og totalt i første kvartal er det høgste på åtte år.
– Kvar einaste ulykke rammar familiar, vener, kollegaer og lokalsamfunn. Både politisk vilje og eit lagarbeid mellom alle oss som jobbar med førebygging er nødvendig for at færre skal drukne.
Det seier generalsekretær Grete Herlofson i Redningsselskapet.
Åtte av dei 20 personane som drukna i første kvartal i år, døydde etter fall frå land. Ulykkene skjedde etter fiske frå land.
Sju drukna i samanheng med bruk av fritidsbåt. Tre av desse drukna frå kajakk, mens tre personar mista livet etter å ha falle i sjøen mellom båt og brygge.
Åtte personar døydde i drukningsulykker i Agder. Det har vore tre drukningsulykker i Vestland, to i Rogaland og ein i både Østfold og Møre og Romsdal.
English (US)