Oppdatert klokka 14:14: Brannen er no sløkken, opplyser brannvesenet.
Ved Vestersivegen i Grane rykka naudetatane ut etter ei melding om gras/skogbrann. Brannvesenet held no på med ettersløkking ved jernbana i Svenningdal.
– Det er anslått at det brenn på cirka eitt mål.
Det sa operasjonsleiar i politiet, Tommy Bech. Han opplyste at det er folk på staden som har meldt ifrå om dette.
– Så vi har vore i dialog med togleiarane som stansar togtrafikken inntil at vi har betre oversikt over situasjonen, seier Bech.
Brannen er knytt til eit hus som ligg i området, og der er omkringliggande skog og opne område ned mot jernbanen. Det er tørt i området og ein del vind.
– Men per no er det ikkje fare for spreiing til hus, seier Bech.
English (US)